Reinhold Messner

Da Reinhold Andreas Messner (* 17. September 1944 in Brixn, Sidtiroul) is an Extrembergsteiger, Abenteirer, Buachautor, Biobauer und ehemoligr Politiker aus Sidtiroul.

Da Messner is oana va da bekonntistn Bergsteiger auf da Wejd. Er hod gemeinsom mit am Peter Habeler 1978 ols Ersta dan Gipfl vam Mount Everest ohne Zuhilfenahme van Flaschnsauerstoff erreicht und is ols ersta Mensch auf da Gipfl va olle viarzehn Ochttausender (1970–1986, jeweils ohne Flaschensauerstoff) gstonda. Ebenfolls ols Ersta hod er an Ochttausender im Alloangong (Nanga Parbat 1978) bestiegn. Zuedem wor er der Zwoata, der wo 1986 die Seven Summits, di höxstn Gipfl auf die Kontinente, gschofft hod. Späta hod da Messner die Antarktis (1989/1990 mit am Arved Fuchs), Grenland (1993) und die Wüste Gobi (2004) durchqueat.

Im Joar 1999 is da Reinhold Messner fir di Partei Verdi Grüne Vërc zuer Eiropawohl ongetreten. Bis 2004 is ar Obgordneta im EU-Parlament gwean. Seit de 1990er-Joar hod er a verschiadene Museen iber Sidtiroul und de Dolomitn verteilt oagrichtet. Des Projekt nennt si Messner Mountain Museum (MMM) und behondelt di Beziahungn zwischn Menschen und Bergen wejdweit.